LOVE

.......कपालमा रँग लगाउनु अगाडि, आँखामाथिको आँखिभूँई प्राकृतिक रुपमा जथाभाबि छरिएर ऊम्रिएको बेलामा, आँखामा तल वा माथि गाजलहरु लगाउनु भन्दा अगाडि, हातका अम्लाका नङ्गहरु टोक्दा टोक्दा निकै भित्र दबिएर कुरुप भएको बेलामा, नङ्गमा रँग लगाउनु अगाडि, ओठमा लालिको रंग थप्नु भन्दा पहिले,पुरुषहरुको पाखुरामा तिम्रो नारिले बेरेर झुन्डिनु भन्दा अगाडि, अनेकौं साथिहरुको आलिङ्गनमा बेरिनु भन्दा पहिले, म्यासेजको लामो लामो रिप्लाई गर्नलाई आग्रह अनि जिद्दि गर्ने बेलामा, फोन कल गर्नलाई आग्रह गर्ने बेलामा, तिम्रो फोन चलाउँदा बिना संकोच चलाउने दिने बेलामा, त्यो मेरो कपालको झराहरु ऊख्लिने गरि तान्ने बेलामा, आफु सँगैको साथिलाई छोडेर परतिर लगेर कुरा गर्ने बेलामा न कि यो किन आएको होला यो यहाँ भनेर मनमनै सोच्ने बेलामा, समाजको अनगिन्ति कुराहरु सिकेर धनसम्पति र सुरक्षाको छनौट गर्न सिक्नु भन्दा अगाडि, मैले सिमा नाघेर जानिजानि गरेका ति गर्ननहुने कुराहरुपनि सजिलै सुनिदिने बेलामा, जुठो मोमो जबरजस्ति कोचाईदिएको दिनमा, अनुहार बाट सनस्कृन र क्रिमको कृतिम बास्नाको साटो प्राकितिक छालाको अरोमा आउने बेलामा, च्यातिएका पाईन्ट कहिले ढाड देखिने कहिले भूँडि देखिने त कहिले तिक्रा देखिने पहिरन छनौट गर्नु भन्दा अगाडि, मेरो अनुहारमा हेरेर मनैदेखि हाँस्दा ति देखिने दाँतहरु पँहेलो भएकै बेलामा, बाटोमा हिँड्दै गर्दा सुसु गर्ने ठाँउ सोध्ने बेलामा, तिम्रो खुला र एकदमै प्यारो दिलले म सँग ठुलो ठुलो स्वरले बिना संकोच कुरा गर्ने बेलामा, पहिलो पटक भेट हुँन थाल्दा भागेर अन्तैतिर बसेको बेलामा ........... हो तेहि बेलामा हो मैले तिमिलाई माया गरेको, मैले तिमिलाई अँगालोमा बेर्न चाहेको , तिमिलाई छुन चाहेको, तिम्रो स्पर्शको महशुस गर्न चाहेको, तिमिलाई फेरि फेरि देखिराख्न चाहेको र तेतिबेलै देखि सँधैकोलागि आफुसँगै राखिराख्न चाहेको ।