भिडियोमा मैले देखेको मेलबर्नको सामाजिक जिबनशैलि र शहर!

आज फरक अनुभब गरिरहेको छु । पहिलो पटक मेलबर्नतिरको सिटीलाई प्रत्यक्ष देखेको जस्तै अनुभब हुने गरि रुमन सँग भिडियो कन्फेरेन्स गर्ने मौका मिल्लो । कामबाट फर्कँदै गरेको उसले ट्रेनमा र पछि बसमा प्रत्यक्ष भिडियो कलिङ्ग गर्दै गर्दा  शहरको केहि हदसम्मको रहनशहन र पर्याबरणहरुको झलक देख्न पाईयो । यो बिल्कुलै अनौठो अनुभब हुने रहेछ । भिन्न परिबेश र शहरलाई हेर्दै गर्दा रमाईलो लाग्ने रहेछ त्यसमा पनि त्यति ब्यबस्थित शहरलाई हेर्दै गर्दा तुरुनै त्यहाँ पुगौं जस्तो हुने रहेछ ।

करिब मध्यरात तिर मेलबर्न एयरपोर्टबाट घर फर्कँदै गर्दा गरिएको भिडियो कन्फेरेन्सले चकित पारेको छ । बाटोमा एक तमासले गाडिहरु गुडिरहेका छन् । कुनै गाडिले पनि अलिकति पनि बाँङ्गो टिङ्गो हाँकेको छैनन् । कोहि हतासमा छैनन्, कसैले हर्न बजाएका छैनन् । बाटोमा एताबाट र ऊताबाट बाँङ्गो टिङ्गो छिर्ने मोटरसाईकल छैनन्, गाडिहरु मात्रै छन् र एकनाशको गतिमा गुडिरहेका छन् । स्पिड कति छ भनेर गरेको प्रश्नको उत्तरमा आएको जबाफले चकित पार्यो । ८०-८५-९० । हेर्दा निकै मन्द गतिमा गुडिरहेको जस्तो देखिने गाडिको गति निकैनै हुने रहेछ ।

सबैतिर सडक बत्तिहरु छन्  । बाटोमा राखिएका ट्राफिक लाईट कति प्रष्ट सँग देखिने स्थान तथा एङ्गलमा छन् । एयरपोर्ट देखि घरसम्म पुग्दा बाटोमा कतै पसलहरु देखिएन, न त हिँडिरहेका मानिसहरु ।

कुनै ह्यासल छैन । कुनै झन्झट छैन । कति सहज सामाजिक जिबनशैलि र शहर !

तिमीलाई संझना

आफ्नो शरिर हेरेर छक्क परिरहेको छु । सानो देखिने शरिरको आकार, लुरे देखिने दुब्लो पातलो जिउ । हेर्दैपनि  सफा नदेखिने कालो छाला युक्त शरिर । मैले तिमिलाई चाहानु खासै सुहाउने पनि देखिन छोड्यो । ठिकै छ समयले पनि नेटो काटि सकेको छ । आशाहरु मरिसकेका छन् ।

मैले आफुलाई माया गर्ने भनेको आफ्नो मनलाई मात्रै हो । यो जन्ममा मन चाँहि निकै राम्रो पाएछु । ब्यक्त गर्न चाँहि जानिएन, बोलि तेसैमा पनि रुखो सुनिने रहेछ । मन र बोलिको तालमेल मिलाउन कहिलै जानिन । म हाम्रो बाबा जस्तै भएछु । प्यारो बाबा जस्तै ।

बिदेश गएपछि मैले खासै तिम्रो तस्बिरहरु हरु हेरेको पनि थिईन । चित्त दुखेपछि तेस्तो हुने रहेछ । बिदेश हिडिसकेको करिब हप्तादिन पछि जस्तो,  पहिलो पटक  बिदेश गईसक्यौ रे  भन्ने सुनेपछि तिम्रो मामुको फेशबुक बाट तिम्रो तस्बिर हेर्न खोजेको उँहाले पहिलै मलाई अनफ्रेन्ड गरिदिईसक्नु भइको रहेछ । आबेगमा तिमिलाई त मैले नै ब्लक गरेको थिएँ । रेष्टोरेन्टको टेबलमा एउटा केटा सँग खिचिएको सेल्फि देखेपछि असह्य पिडा भएर तिमिलाई त्यसदिन देखि मेटाएको थिए । फेशबुकबाट मेटाएपनि मन बाट त एक सेकेन्ड नि मेटाउएको थिईन अनि छैन नि । प्रत्यक्ष रुपमा तस्बिर नहेरेपनि कहिले काँहि आकल झुकल देखिन थालेको थियो । तेसले पनि पिडा भएपछि फेशबुकनै कम चलाउन थालें ।

पहिलो पटक फुल पाईन्ट लगाएर समुन्द्रको तट अगाडि ऊभिएको  तिम्रो फोटो देखें । त्यो तस्बिर भर्खर भर्खर बिदेश पुगेको भन्ने ठ्याक्कै थाहा पाईने किसिमको थियो । बिदेशतिरको चालढालको धेरै तस्बिरहरु देखिई रहने भएर होला ।  काठमाडौं शहरतिर हाल्फ पाईन्टमा हिड्ने तिमिले समुन्द्रि तटतिर पुग्दा चाँहि हाल्फ प्यान्ट लगाएको भए हुने नि जस्तो लागेको थियो । जतिसुकै सबै स्त्रिलाई नाङ्गै हेर्न रुचि भएपनि आफुले मन पराएको र आफुले चाहाना गरेको केटिले चाँहि शरिर पुरा ढाक्ने लुगा लगाइदिए हुने भन्ने चाहाना हुने रहेछ । थाहा छैन भेटघाट, घुमफिर, तथा बिबाह पश्चात कस्तो लुगा लगाएको मन पर्ने हो । अहिले सम्मको ईच्छा चाँहि पुर्ण शरिर ढाक्ने लुगाले सजिएको हेर्ने मन हुने रहेछ ।

“म अरु जस्तो तिघ्रा देखाएर हिड्ने केटि हो र”

 भनेर तिमिले केहि बर्ष अगाडि भनेको थियौ । अहिले त्यो लागु हुन छोडिसकेछ । तिम्रो ईच्छा र छनौटमा मेरो भन्नु केहि छैन । मैले जहिले पनि र जस्तोसुकै पनि स्विकार गर्दै आएको छु ।

मैले त्यस समुन्द्रि तट अगाडिको 

Read more »

रुमन - भाउजु - रायन - अनि फोटोग्राफर ।

रुमन भाउजु र रायन ।

आज म यो तस्बिरको बारेमा लेख्छु । दाँया पट्टि ऊभिएको रुमनको सरल ब्रदरहुडले गर्दा आज म एउटा ज्ञानि केटा भएको छु । म आज जे छु, अधिकांश अप्रत्यक्ष देन यहि दाहिने पट्टि ऊभिईरहेको केटाको छ ।  मेरो बाल्यकाल, किशोर र केहि बयस्क उमेरका बर्षहरुको अधिकांश समय एहि केटा सँग बितेको थियो । अहिले धेरै बर्ष हुन थालिसकेछ यो सामिप्यता छुटेको ।

बिदेशि भु-खण्डको चटक्क मिलेको शहरि पार्शमा खिचिएको यो तस्बिर निकै राम्रो देखीएको छ । ऊ आज उसको परिबार सहित ऊभिएको छ । कति राम्रो देखिएको छ ।

ऊसको अनुहार कति  प्रफुल्लित देखिएको छ । यो फोटोग्राफरको कारणबाट भएको प्रफुल्लता हो ।

रुमन र भाउजु प्रतिक्षा  मेलबर्न शहरमा ।

कति मिलेर बसिएको यो तस्बिर निकै आकर्षक छ । यो फोटोलाई मैले सयौं पटक गहिरिएर हेरिसकेको छु । मैले रुमको प्रफुल्लित अनुहारलाई खुब सँग हेरे ।